Ibilbideak

Beizaman egin daitezkeen lau ibilbide posible deskribatuko ditugu. Hurbiltze eta kokapen erraztasun arrazoiengatik, guztiak udala zeharkatu eta Nuarbetik Tolosara doan c-6324 errepidearen ondoan hasten dira. Honek ez du esan nahi aipatutako ibilbideak derrigorrez deskribatzen diren bezala egin behar direnik. Gainera, aipatutakoaz gain, beste aukera bat eskaintzen duten hainbat bide eta ibilbide kartografiatu dira, horrela, toki ezberdinetatik hainbat ibilbide egiteko aukerak gehituz.

Honetaz gain, ibilbide hauek egiteko asmoa dutenek, Beizama, Gipuzkoa erdian egonik, bertako mendien gailurretatik, bai Gipuzkoa, Bizkaia nahiz Nafarroako mendi garrantzitsuak ikusteko aukera dute. Eta bidean zehar landaretza, arkeologi elementu, lehengo lanbide zaharren elementuak ...
ikusi ditzazkegu.

1.Ibilbide Santa Ageda-Maramendi

Oharra: Mendi bizikletaz egin daitekeen aldapa gutxiko ibilbidea da. Mendibidea oso egoera onean dago.

Interesgarritasuna: Ibilbidearen zati haundi batek baso hostozabalak zeharkatzen ditu, bertan, baso ustiaketa mota batzuk ikus daitezkelarik eta arretaz ibilizgero txondor plazaren arrastoak ere topa daitezke. Horretaz gain, 3 tumulo ikus daitezke: trikumutegikoa, mendi bidearen ondoan eta Maramendi gailurretik hurbil, hego isurialdean dauden beste biak.

Deskribapena: Santa-Ageda parean hasiko dugu ibilbidea errepidetik Arreta(1.1)baserrirantz doan mendibieta jarraituz.

2. Ibilbidea Urkutza - Maramendi 

Oharra: Sei bat km-tako aldapa gutxiko ibilbidea dugu.
Interesgarritasuna: aukera didaktiko haundiak eskeintzen dituen ibilbidea dugu; besteak beste baserri eta horiei lotutako belardidun aldeak, artadi eta hostozabaldun baso mistoen bezalako landare formazio interesgarriak eta baita harrobi eta urtegia ere ikus ditzakegu ibilbidean zehar. Interesgarria da baita ere, ibilbidearen hainbat gunetik ikus daitekeen paisaia ederrarengatik.

Deskribapena: Ibilbide honetan, hiru alde oso nabarmen bereiz daitezke. Lehena, Urkitzatik urtegira doana, Etxeberritxo eta Girbiztaindik igaroaz. Bigarrena, urtegia inguratu eta harrobi bateraino doana.Hirugarrena, aldiz, Maramendiko ipar-hegaletik igoaz mendia inguratu eta 1.ibilbideko zatia den mendibideraino

3. Ibilbidea Iturburu - Santa Ageda 

Interesgarritasuna: Batez ere belardi eta baso landaketan zeharreko ibilbidea da, sastrakadiak jantzitako dolina gune bat mabarmentzen delarik bere edertasunagatik. Honetaz gain Eloizpe-Etxeberri baserriaren inguruan karobia aurkitu dezakegu. San Lorentzo ermita ere bertan dago.

Deskribapena: Beizamatik Tolosarako errepidearen ondoan dagoen Iturburutik (3.1) abiatuko gara. Bideari jarraituko diogu Eloizpe-Etxeberrira (3.2) iritsi arte. PR-ko markak jarraituz Urdanpileta Goikoa (3.8) baserrira iritsiko gara.

4. Ibilbidea Elustondo - Aginamendi auzoa 

Oharra: Ibilbide hau ia bere osotasunean belardietatik eta zati labur batzutan, baso landaketen ondotik igarotzen da. Aldapa gogorretan zehar doa, eta baditu 2 gune mendibideri gabekoak, hori dela eta ez da gomendatzen ibilbide hau ume txikiekin egitea.

Deskribapena: Elustondora Nuarbetik (4.2) gora jarraitzen duen errepidetik ezkerretara doan desbideraketa hartuta iritsi gaitezke. Hortik abiatuta eta ia 3 km-tako ibilbidea egin ondoren 3. Ibilbiderako (4.10) zati batetara iritsiko gara. Behin puntu honetan, ezkerrerantz jarrai dezakegu errepidera heldu arte, edo bestela eskubirantz egin dezakegu 3. Ibilbidea egin eta Santa-Agedan amaitzeko.

Ibilaldi Gidatuak 

• Natur ibilaldi gidatuak .
• Baserrietara bisitaldiak:3 baserri.
• Ibaieder urtegira bisitaldia. Urtegiaren barne-funtzionamendua.
• Nuarbeko historian saskigintza.
• Nuarbeko sokatira museora bisitaldia.

HARREMANETARAKO:

            Internet bidez: udala@beizama.eus
            Telefonoz: 943-816338
            Ordutegia: 9:00~13:00 Asteartetik Ostiralera.